امة واحدة

إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ

أمة واحده .. قبله واحده
دين واحد .. ورب واحد
شرع واحد .. وكتاب واحد

هذا هو اسلامنا

وهذا هو الاصل وليس غيره
ولكن حينما تقسمنا واصبح بيننا حدود ومعابر واعلام وجنسيات
اصبنا ما اصابنا الان
اكثر ما يحزننا ليس ما يحدث من قتل ودمار ولكن ما يحدث من انقسام
واحزاب في عز الازمه ننقسم اكثر ونختلف اكتر
فاين العقول واين القلوب الواعيه
وعبارة العرب اتفقوا علي ان لا يتفقوا
تثبت نفسها مرار وتكرارا
ولكن ما اود قوله اتركوا حكامنا
كما هم دعوهم فلهم ميعاد يوم معلوم
سيندمون فيه عن تخاذلهم وتكاسلهم ونومهم العميق
وكما قال عز وجل
سَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ
فقد ظلموا انفسهم قبل ان يظلمونا ويظلموا اخواننا
:
تركنا القضيه الاساسيه وبدأنا في توجيه التهم
والبعد اكثر واكثر
قمة هنا وقمه هناك
ومبادره هنا ومبارده هناك
تشتيت اكثر وكلام كتير
واحنا لا بقينا مركزين ولا عارفين مين اللي همه علي القضيه ومين اللي همه نفسه
ومصلحته ومركز واسم بلده
لا حول ولا قوة الا بالله
الواحد كان مستاء من سكوتهم بس استاء اكتر لما قرروا يتكلموا
ويعملوا قمم
الصراحه سكوتهم احسن وافضل
هما للدرجه ديه مش حاسيين باللي حاصل ولا شايفين اللي بيجرا
وبدل ما حد فيهم يقول كلمة حق هيسأل عنها امام الله يوم القيامه
بيكلموا في كلام لا يسمن ولا يغني من جوع
دا اليهود شغاله ولا عمله لاي حد اعتبار ولا قيمه
وهما قاعدين بس يتناقشوا في وقف اطلاق النار اظن لما يقرروا كدا
الصهاينه هيقولوا لهم شبك لبيك صاورخنا ملك ايديكم
مش مهم القمم هتقام فين والا في اي دوله ولا مين اللي هيحضر
بس ياااااااااريت سمعنا من اي حد فيهم
كلمه منصفه وفعاله
يا عالم دول بقوا 22 يوم
ومفيش موقف فعال ولا تحرك
وأي حق يخلي اليهود تمتلك صاوريخ وتضرب فينا بدون رحمه
والادهي والامر تمنع المقاومه من امتلاك السلاح ويعملوا اتفاقيه
مع امريكا علي عدم تهريب سلاح للمقاومه وعلي الملا ويعرضوا لنا امام اعيينا جميعا
اتفقاهم الدنئ يعني اي عقل يستوعب دا
يعني تضرب فيا وتحرم عليا الدفاع عن نفسي
لا حول ولا قوة الا بالله
بجد نفسي اعرف حكامنا دول تعليمهم ايه بالضبط
دول الصراحه صم وعمي علي الاخر
امرنا لله ما لنا الا الصبر عليهم وربنا يعينا
:
الامل دلوقتي في الشعوب ياريت لا تنساق وراء
الجنسيات والدول ويكون ولاءنا الوحيد
للدين
نرجع تاني للامه الواحده ما يهم دا فلسطيني والا مصري ولا عراقي والا سعودي
اد ما يهمني انه مسلم واللي يمسه يمسني والا يجرحه يجرحني
والقضيه واحده والعدو واحد
وان حد قصر يبقي فيه تناصح بينا مش عداء وسب ودعاء علي بعض
والله لم يتمكن العدو منا الا بعد الانقسام والتفرقه
لو وقفنا يد واحده لم يستطيعوا ابدا ان يفعلوا ما يفعلوه الان
والذي يحزنني كثيرا ان الكل انقلب علي مصر
كل برنامج اسمعه مفيش غير مصر والمعبر
ياريت تتغير الكلمه ويوجهوا الاتهام للحكومه وليس مصر فمصر بريئه منهم
ومن افعالهم مصر واهلها اكرم الكرماء وقدموا الكثير ولا زالوا
فليس بذنب واحد منا يتهم الجميع
وحسبي الله ونعم الوكيل
:
:
بالامس كنا في زيارة لمعهد ناصر وشوفنا اخوانا الفلسطنيين اللي هناك
واللي لفت نظري وخلاني اتكلم في الموضوع دا
ان في وسائل الاعلام مفيش غير مصر قافله المعبر وناسيين الباقي
وانا مش بقول كدا بصفتي مصريه انا بقول كدا بصفتي مسلمه اولا واخيرا
والحق لازم يتقال ويظهر
ما شاء الله كميه الناس اللي كانت هناك بتقوم بزيارة اخواننا
واد ايه هما حاسين بحزنهم وقلوبهم معاهم واد ايه المصريين بجد اثبتوا ان قلوبهم
ناقيه ومليئه بالخير والحب للاخرين
بجد ساعتها حسيت اوووووي بقول رسولنا الكريم
الخير في أمتي الي يوم الدين
وحسيت بمعني
أمه واحده

وسبحان الله الناس اللي كانت معانا في الزياره بالرغم انهم كانوا بيعملوا خير الا
ان الاعلام برضوه أثر عليهم وحسسهم بالتقصير في حق اخوانهم
كانوا كل لما يدخلوا علي حد منهم الكلمه اللي بتتردد
احنا عارفين اننا مقصرين معاكم ومش بايدينا حاجه سمحونا
بس فيه واحد رد علينا بكلمه
قلنا انتم يا مصريين اقرب شعب النا بتتزوجوا منا وبتزوج منكم
وعارفين اد ايه انتوا وقفتوا معنا وحسيين بينا بس التقصير مش منكم
والله انتوا ما تزعلوا علينا احنا اللي زعلانين عليكم
ربنا يفك اسركم

موضوع ممتاز
جزاكى الله كل خير اختى فى الله

شكرا لكى اختى على مرورك

اللهم اجعلنا أمة واحدة